Culion Sanitarium and General Hospital

CSGH Culion Palawan is with Dondon Apgao and 5 others at Culion Sanitarium and General Hospital.

2 days ago

𝐏𝐚𝐧𝐢𝐛𝐚𝐠𝐨𝐧𝐠 𝐋𝐢𝐧𝐠𝐠𝐨 𝐧𝐠 𝐏𝐚𝐭𝐮𝐥𝐨𝐲 𝐧𝐚 𝐃𝐞-𝐊𝐚𝐥𝐢𝐝𝐚𝐝 𝐧𝐚 𝐒𝐞𝐫𝐛𝐢𝐬𝐲𝐨, 𝐇𝐮𝐬𝐚𝐲, 𝐚𝐭 𝐈𝐧𝐨𝐛𝐚𝐬𝐲𝐨𝐧 𝐬𝐚 𝐓𝐫𝐚𝐛𝐚𝐡𝐨, 𝐚𝐭 𝐏𝐚𝐠𝐤𝐚𝐤𝐚𝐢𝐬𝐚 𝐩𝐚𝐫𝐚 𝐬𝐚 𝐏𝐚𝐬𝐲𝐞𝐧𝐭𝐞.

Ang flag assembly ngayong Lunes, Hunyo 8, 2026, ay matagumpay na pinasinayahan ng 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐏𝐞𝐝𝐢𝐚𝐭𝐫𝐢𝐜𝐬, 𝐍𝐞𝐨𝐧𝐚𝐭𝐚𝐥 𝐈𝐧𝐭𝐞𝐧𝐬𝐢𝐯𝐞 𝐂𝐚𝐫𝐞 𝐔𝐧𝐢𝐭 (𝐍𝐈𝐂𝐔), 𝐚𝐭 𝐏𝐞𝐝𝐢𝐚𝐭𝐫𝐢𝐜 𝐈𝐧𝐭𝐞𝐧𝐬𝐢𝐯𝐞 𝐂𝐚𝐫𝐞 𝐔𝐧𝐢𝐭 (𝐏𝐈𝐂𝐔) sa pangunguna nina Ms. Reina Margaret S. Vedeja, RN, bilang Nurse Supervisor, kasama sina Dra. Candance Ruth B. De Guzman bilang Head ng Pediatrics Department, at Dr. Lounard N. Pavillar, Pedia Attending Physician. Bago pormal na nagsimula ang kanilang unit accomplishment report ay una munang ipinakilala ang mga Bachelor of Science in Civil Engineering students na mula sa Guagua National Colleges na sa susunod na anim na linggo ay mag rerender ng kanilang On-the-Job Training (OJT) sa ilalim ng Engineering Cluster ng hospital.

Sinimulan naman ang consolidated accomplishment reports ng Pedia NICU, at PICU sa pagpapakilala ng mga doktor, nars, midwife, at nursing attendant na bumubuo sa tatlong units, na sinundan ng pagbabahagi ng kanilang organogram at unit profile. Inilahad din ang komprehensibong ulat patungkol sa kanilang overall performance para sa taong 2024–2025, kung saan idinetalye ang kabuuang bilang ng admissions at discharges, average length of stay ng mga pasyente, ward profile, Turn-Around-Time (TAT), at iba pang mahahalagang datos. Ang mga datos na ito ay masinsinang sinuri at binigyang-interpretasyon para sa higit na ikauunlad ng departamento at ng mga serbisyo nito. Ang pagbabahagi rin ng ilang successful stories ng mga pasyenteng matagumpay na nagamot at masayang nabubuhay ay nagdulot ng kagalakan at nagpatibay sa resolusyon na ang trabaho ng mga kawani ng CSGH ay makabuluhan at maipagmamalaki.

Matapos ang presentasyon, nagbahagi naman ng mahahalagang direktiba ang ating Medical Center Chief I na si Dr. Maria Regina Calimag. Sinimulan niya ang kanyang pahayag sa pagpapaabot nang taos-pusong pasasalamat sa tagumpay ng katatapos na 𝐑𝐞𝐠𝐮𝐥𝐚𝐭𝐢𝐨𝐧𝐬, 𝐋𝐢𝐜𝐞𝐧𝐬𝐢𝐧𝐠, 𝐚𝐧𝐝 𝐄𝐧𝐟𝐨𝐫𝐜𝐞𝐦𝐞𝐧𝐭 𝐃𝐢𝐯𝐢𝐬𝐢𝐨𝐧 (𝐑𝐋𝐄𝐃) 𝐨𝐧-𝐬𝐢𝐭𝐞 𝐦𝐨𝐧𝐢𝐭𝐨𝐫𝐢𝐧𝐠. Inatasan ang lahat na aksyonan nang maagap ang mga naging findings at laging pahusayin ang serbisyo. Kasunod nito, muling ipinaalala at binigyang-diin ni Dr. Calimag ang kahalagahan ng mahigpit na compliance sa mga pamantayan, pati na rin ang madiskarteng pagtugon sa hamon ng budget constraints upang mapanatili ang mataas na antas ng paglilingkod.

Isang malaking karangalan din ang ibinahagi ni Dr. Calimag nang iprisenta niya ang dalawang prestihiyosong award na nakamit ng ospital. Una rito ang 𝐇𝐞𝐚𝐥𝐭𝐡𝐲 𝐇𝐞𝐚𝐥𝐭𝐡 𝐅𝐚𝐜𝐢𝐥𝐢𝐭𝐲 𝐀𝐰𝐚𝐫𝐝, na nagpapatunay sa huwarang dedikasyon ng CSGH sa pagtataguyod ng isang ligtas, matatag, at malusog na kapaligiran para sa mga healthcare workers, pasyente, at mga komunidad na pinaglilingkuran nito. Ang ikalawang parangal naman ay isang pagkilala sa walang-pagod na pagsisikap ng ospital na makalikha ng isang ligtas at sumusuportang hospital workplace na lubos na alinsunod sa national health facility standards, occupational health and safety, at pangkalahatang kapakanan ng mga empleyado.

Tampok sa digital transformation initiatives ng hospital ay ang pormal na paglulunsad ng 𝐃𝐨𝐜𝐮𝐦𝐞𝐧𝐭𝐞𝐝 𝐈𝐧𝐟𝐨𝐫𝐦𝐚𝐭𝐢𝐨𝐧 𝐌𝐚𝐧𝐚𝐠𝐞𝐦𝐞𝐧𝐭 𝐒𝐲𝐬𝐭𝐞𝐦 (𝐃𝐈𝐌𝐒) sa pangunguna ni Ms. Annamie D. Abid, Document Control Officer, kasama si Mr. R-vie Apgao, DCO member, at sa ilalim ng gabay ng Office of Strategy Management (OSM), Mr. Philip Mariano. Ang sistemang ito ang magsisilbing centralized at integrated processing, monitoring, and repository ng lahat ng dokumento ng ospital upang mas maging mabilis ang pagkuha at pagsubaybay sa mga ISO documents. Magagamit din ito bilang pangunahing dashboard sa bawat audit activity. Bukod dito, ang DIMS ay magdadala ng malalaking benepisyo sa operasyon dahil isinusulong nito ang paperless na proseso. Tinitiyak din nito ang operational efficiency sa pamamagitan ng pagbawas sa administrative workload ng mga kawani, at nagbibigay ng real-time monitoring upang mas maging mabilis at tumpak ang pagpapasya ng pamunuan.

Naging lubos na maayos, produktibo, at positibo ang pagbubukas ng ating linggo sa pamamagitan ng isang makabuluhang flag assembly. Ang pagtitipong ito ay muling nagpatibay sa nagkakaisang layunin ng lahat na mas itaas pa ang kalidad, integridad, at kahusayan sa serbisyong ibinibigay ng CSGH sa madla. ... See MoreSee Less

CSGH Culion Palawan

1 week ago

𝐏𝐚𝐠𝐬𝐚𝐥𝐮𝐛𝐨𝐧𝐠 𝐬𝐚 𝐁𝐮𝐰𝐚𝐧 𝐧𝐠 𝐇𝐮𝐧𝐲𝐨 𝐧𝐚𝐧𝐠 𝐏𝐚𝐭𝐮𝐥𝐨𝐲 𝐧𝐚 𝐃𝐞-𝐊𝐚𝐥𝐢𝐝𝐚𝐝 𝐧𝐚 𝐒𝐞𝐫𝐛𝐢𝐬𝐲𝐨, 𝐏𝐚𝐠𝐤𝐚𝐤𝐚𝐢𝐬𝐚, 𝐚𝐭 𝐊𝐚𝐡𝐮𝐬𝐚𝐲𝐚𝐧 𝐬𝐚 𝐂𝐒𝐆𝐇!

Ang flag assembly nakaraang Lunes, Hunyo 1, 2026, ay pinangunahan ng Department of Medicine bilang host sa pangunguna ni Mr. Santos Naceno kasama sina Ms. Mara Megan Villarico at Ms. Goldamhyr Jarata. Ang pagpupulong ay nagsimula sa pagpapakilala at panunumpa ng mga bagong miyembro ng ating lumalaking pamilya sa CSGH.

Matapos ito ay nagbahagi ang host unit ng komprehensibong presentasyon ukol sa kanilang operasyon. Idinetalye rito ang kanilang organogram, ward profile, at patient classifications na kinakalinga ng kanilang departamento na kinabibilangan din ng Infectious Ward at ACIS . Bukod dito, inilahad din ang iba pang mahahalagang datos tulad ng patient census, top 10 morbidities (sakit) at causes of mortalities (sanhi ng pagkamatay), mga kasalukuyang isyu at concerns, at iba pa tulad ng TAT (Turn-around-time) at HAI (Hospital Acquired Infection). Ang lahat ng ito ay masinsinang pinag diskusyonan at inenterpreta para sa higit na improvement ng department at mga serbisyo nito.

Pagkatapos ng presentasyon, nagbigay naman ng directives ang ating Medical Center Chief I na si Dr. Maria Regina Calimag. Sinimulan niya ang kanyang direktiba sa pagbigay ng pasasalamat sa kolektibong pagsisikap ng lahat para sa mga aktibidad ng ating 120th-anniversary celebration, lalo na sa katatapos lang na tagumpay ng Mr. and Ms. CSGH Hiyas 2026.Binigyang-pansin din ni Dr. Calimag ang mga mahahalagang deliverables, kabilang ang Permit to Construct, mga usapin sa PhilHealth YAKAP, at ang pagsunod sa mga kinakailangan para sa medical allowance.

Naging maayos at produktibo ang pagbubukas ng ating linggo sa pamamagitan ng isang makabuluhang flag assembly na naglalayong mas itaas pa ang kalidad ng ating serbisyo. ... See MoreSee Less